2013/02/28

Kukutza botatzeko baimena legezkotzat jo du epaileak

Administrazioarekiko Auzien Bilboko 5. Epaitegiaren ustez, Bilboko Udalak «zuzen» jokatu zuen 2011ko irailean, Errekalde auzoko Kukutza III gaztetxearen eraikina botatzeko baimena eman zuenean. Errekaldeberriz auzo elkarteak ohar bidez adierazi du amaitutzat ematen duela borroka hori, baina ez da inola ere bat etorri epaiarekin; «egoera objektiboki bidegabeak justifikatzea» leporatu dio.



Eraispen baimenaren tramiteetan okerrak zeudelakoan jarri zuen auzo elkarteak helegitea, hirigintza araudiak urratzea egotzita udalari: eraispen lizentzia eskuratzeko, lurzorua birzatitzeko proiektua eskatu ohi du udalak; Cabisa eraikuntza enpresak —azpiegituraren jabetza zuen— ez zuen halakorik aurkeztu, baina, hala ere, udalak baimena eman zion. Errekaldeberrizek uste du udalak tramiteak azkartu zituela, «Kukutzarekiko elkartasun olatua mozteko». Ordurako, hamahiru urte zeramatzan gaztetxeak leku hartan; Cabisak udaberrian eraikina botatzeko asmoa agertu zuenetik, bata bestearen atzetik heldu ziren kexak.

Edonola ere, epaiak ebatzi du dokumentazio hura ez zela beharrezkoa, eraikinak utziko zuen lur sailean egin beharreko proiektuaren berri ez emateagatik ezin zutelako eraispen baimena bertan behera utzi. Azpiegitura botatzeko erabakia Cabisak hartu zuela nabarmendu du, eta enpresak horretarako zilegitasuna bazeukala erantsi: «Eraikina erabiltzeko eskubidea zuen, haren jabea zen aldetik».

Gainera, udalaren jokabidea babestu du, Espainiako Konstituzioak eta legeek ezarritakoa bete zuelakoan: «Aukera gutxi geratu zitzaizkion; eraistea baimentzera behartuta dago arauen eskakizunak betetzen baditu». Interes publikoaren izenean eraikina desjabetzeko aukera ere baztertu du epaiak: «Jabeari ezin zaio jabetza kendu bere borondatearen kontra, kalte-ordaina emanda ere».

«Horrelako epaia atera izanak ez gaitu harritu», erantzun du Errekaldeberrizek. «Eskubide murrizketen garaian» kokatu du ebazpena, «espekulatzaileen interesak lehenesten» dituen abagunean. 2011ko irailaren 21ean hustu zuen Ertzaintzak Kukutza gaztetxea, eta hilaren 23an hasi zituzten azpiegitura eraisteko lanak, mobilizazio handiak tarteko. Auzo elkarteak esan du historiak «lotsaz» gogoratuko dituela egun haiek, eta gogora ekarri du Kukutzak utzitako orubean ez dutela ezer eraiki, ia urte eta erdi pasatu den arren: «Lehen Errekaldeko bihotza zen tokia orain arratoiei utzitako espazioa da. Agerian geratu da eraikitzeko zuten ustezko presa gezurra zela. Orain justiziak errugabetu ditu, baina historiak ez ditu errugabetuko».

2013/02/26

Elkartasun kanpaina abiatu dute Kukutzaren eraistean atxilotutako eta kolpatutako lagunei babesa helarazteko

Orain arte egindako bi epaiketetan argi geratu da atxiloketak bidegabeak eta justifikaziorik gabekoak izan zirela, Iñaki Carro abokatuaren esanetan. Martxoaren 11n bi gazte epaituko dituzte desordena publikoak egotzita eta elkarretaratzea egingo dute epaitegietan. Auzi nagusia epaitzeko datarik ez dago oraingoz.


Ni ere egon nintzen. Elkartasuna ez da delitua” kanpaina abian jarri du Kukutzarekin Elkartasun Taldeak Errekaldeko plazan egindako prentsaurrekoan. Kukutza III Gaztetxearen huste eta eraisteak iraun zuen egunetan Ertzaintzak atxilotutako eta zauritutako lagunei – 80 atxilotu eta 100 zauritu baino gehiago- elkartasuna eta babesa helarazteko asmoa dute.

Iñaki Carro abokatuak adierazi duenez, Kukutzaren eraistean izandako istiluen ondorioz orain arte egin diren bi epaiketetan argi geratu da Ertzaintzak emandako bertsioa ez zetorrela bat benetan gertatutakoarekin eta atxiloketa gehienak “arbitrarioak eta justifikaziorik gabekoak” izan zirela esan du.

Hurrengo epaiketa martxoaren 11n egingo dute Bilboko epaitegietan. Bi gaztek 22 hilabeteko kartzela eskaerari egin beharko diote aurre Udaletxe inguruetan izandako istiluetan desordena publikoak egin izana egotzita. Hain zuzen ere, epaiketa hori salatzeko elkarretaratzea egingo dutela aurreratu du.

Apirilaren 16an beste epaiketa bat izango da. Kasu honetan ertzain bat izango da akusatua, 2011ko irailaren 21ean Ametzolako tren geltokiaren parean gazte bati eraso egitea leporatuta. Carrok azaldu duenez, egun hartan grabatutako irudi batzuetan “argi ikusten” da ertzainak gaztea inolako arrazoirik gabe kolpatu zuela.

Erasoak ugariak izan zirela gaineratu du abokatuak baina Ertzaintzak oztopoak jarri ditu agenteak identifikatzerako orduan eta oso zaila izan zaie akusazio zehatzik egitea. Ertzainak identifikatzea lortu den kasu bakanetan epailea tematu egin dela izan da, azpimarratu du.

Bestalde, abokatuak jakinarazi du 2011ko irailaren 23an Errekaldeko plazaren inguruetan atxilotutako 20 lagunei ere desordena publikoak egozten dizkietela. Atxiloketak “ausazkoak eta justifikagaitzak” izan zirela uste du Carrok. “Kaletik ikusi zuen lehenengoa atxilotu zuen Ertzaintzak, lagun talde bat sortzen zen bakoitzean oldartu egiten zitzaion”. Auzipetu horientzat 18 eta 30 hilabete arteko espetxe zigorra eskatzen du akusazioak.

Halaber, Kukutza auziko prozesu nagusia, gaztetxea barrutik ateratako 18 lagunei egozten dioten usurpazio delituari dagokiona, hemendik urtebetera edo bi urtera egin daiteke, “erabat geldituta baitago eraistea gauzatu zenetik”. Horrek guztiak agerian uzten du Carroren iritzian, gaztetxearen huste eta eraistearen atzean “interes politikoa” zegoela. “Udal etxebizitzak eraikitzeko asmoa zutela esan zigun orduan munduko alkaterik onenak” baina eraisteaz geroztik, gogoratu du, ez da tramite judizialik egin eta egun hutsik jarraitzen du gaztetxea zegoen orubea.

(Bilboko Brankatik ateratako berria)

2013/02/22

Concierto en solidaridad con la Oficina de Okupación en Izar Beltz Ateneoa

Izar Beltz ha organizado para el próximo sábado, 2 de marzo, un concierto en solidaridad con la Okupazio Bulegoa que comenzará a las 20:00h y en el que podremos disfrutar de la musica de Psicoterror!, Frantzeska! y Ectoplasmas!

Izar Beltza Ateneoa se encuentra en la calle Andres Isasi nº15 del barrio de Irala.


2013/02/13

Komantxe Konpartsak II. Otsoen Gaua ospatuko du Erandioko Kalezulo Gaztetxean

Komantxe Konpartsak antolatutako bigarren OTSOEN_GAUA heltzear dago!!!

Gure lehen ta OTSOGAU bakarra Kukutza III Gaztetxean antolatu genuenetik, 2 urte pasa dira ta Bilbo-Bizkaiko gaztetxe ta etxebizitza okupatuek aldaketa asko jasan ditugu. Desalojo asko ta mehatxuak, han geratu zaizkigu Kuku, Uztaldi, Patakon, Ermitatze...

Baina okupazio ugari izan ditugu!

Nerbioi Itsasadarreko eskumaldean, Sekeko Gaztetxeak 3 urte beteko ditu. Txorimalok 6 ta indartsu, ta Erandiokoak 1 ta aurrera doa!. Plentzi ta Gorlizko gazteek beste mundu bateko isun bat ekiditu ostean, hondartza ondoko lokalak okupatu ta hortxe daude Urdulizgo gazteek bezala! Itzubaltzeta ibaiko obrak direla medio gaztetxea salbatzea lortu dute.

Ezkerraldean berriz, La Kelok tinko dirau ta Txirbilenea indartsu agertu da Sestaon. Bilbon be 7Katuk 6 urtetxo bete ditu, ta Izarbeltzek Bilboko hegoaldean mantentzen da aktibo. Beraz, ospatzekoak baditugu ere. Ta aurten urte ederra izango dugula uste dugu!!

Horrexegatik zuekin guztiokin ospatu nahi dugu OTSOEN GAUA. Desalojatu zaituztenokin, okupatzen jarraitzen duzuenokin. Borrokaren grina galdu ez duzuenekin.

Martxoak 2, Erandioko Kalezulo Gaztetxean:

12.00etan motxilak eta riñonerak egiteko tailerra + elektrizitate tailerra (oinarrizkoa).
14.30etan bazkari herrikoia
18.30etan ginkana-poteoa
21.30etan kontzertua: Siroka + Ziribulio Sound